بسم الله الرحمن الرحيم
اعزائي زوار موقع حراج اطيب الله اوقاتكم بكل الخير
كورولا وارد امريكي نظيف جدا اسود اللون بوية شد بلد ماعدا الصدام الامامي والخلفي
الممشى موضح في الصور بالميل وليس بالكيلو
المواصفات الخارجية
طبعا السيارة رياضية شد بلد وليس مضاف عليها اي تعديل حتى الأنوار
كشافات و جنوط نفس مقاس السعودي
زوايد في رياضية في الصدام الامامي والخلفي شد بلد
انوار امامية من الداخل لونها اسود تعطي مظهر رياضي شد بلد
شبك رياضي شد بلد
جناح خلفي شد بلد ( مو عاجبني )

المواصفات الداخلية
داخلية نظيفة لونها اسود ومقاعدها مريحه اريح من السعودي واللي ركب وارد امريكي يعرف الفرق
جوانب المقاعد قماش مخملي و الوسط قماش لماع (شكل رياضي جذاب)
مثبت سرعة ( السعودي ما فية)
مسجل سي دي كاسيت ام بي ثري و الراديو يشغل جميع المحطات مثلة مثل اي سيارة ثانية ( لا اح يجي يقول لي التردد قصير)
مع 6 سماعات شد بلد
تحكم بالمسجل من المقود
حساسات خلفية وحساسات للأطارات اذا نقص ضغظ الهواء
تيرموميتر لمعرفة درجة حرارة الجو

ملاحظات:
يخلتف عن السعودي ان السعودي فية اشارة في الرفارف الأمامية والمرايات
السعودي فية ازياج في الأبواب
طبعا تقدر تركب اذا ودك

السيارة ماتشكي من اي شي طلعت فيها الى عرعر و الى المدينة ومكة والرياض والكويت والحمدلله ولا مشكلة
تغير زيت وامشي
الحرارة دائما في النص حتى بالصيف والمكيف شغال واحد من الشباب معه نفس الموتر وخلى حرارتة مثل السعودي ماكلفتة 200 ريال
تغير قطة بسيطة اسمها اعتقد (ثيرمستات او كوع حرارة) بس انا حبيت الموتر شد بلد ولا غيرتها
كفرات جديدة
اللي يستفسر عن القطع
قطعها كلها نفس السعودي من الصدام للصدام ماعدا البريكات (الفحمات والهوبات) لكن بريكات الكامري السعودي تركب بدون مشاكل ونفسها بالظبط
الرجاء عدم البخس والتواصل عبر الموقع ولا احد يرسل لي خاص و يقول لي رقم جوالك لأنه جوالي ما ابي اعطية احد
اي استفسار كبير صغير عن طريق الموقع
السيارة ما انسامت ابد والحد 45000 الف قابل للتفاوض بالحد المعقول
واللي يسأل عن سبب البيع الحمدلله اخدت لي كامري امريكي اوسع من الكورولا
لا اقبل البدل والبيع كاش ولا احد يقول لي تقسط السيارة ومدري وشو
كاش وبس
يامرحبا فيكم مستخدمين او شريطية بس بدون بخس
انا ساكن قريب من معارض الدمام 10 دقايق اللي يبي يشوف السيارة يحدد معي موعد عن طريق الموقع واتقابل معه في المعارض
لا حد يقول لي باشوف السيارة وبعدين باسوم
اول سوم
ثانيا حدد موعود
ثالثا جرب السيارة افحصها
رابعا نروح المعرض وتسلم فلوسك و تنقل السيارة
خامسا الله يوفق اللي بيشتري
البيع مثل ماقلنا كاش والسيارة يمكن اعرضها في اماكن او مواقع اخرى يعني من سبق لبق
يمكن انت تسوم اليوم وبعد ساعة واحد يسوم بسنفس سومتك او يعطيني سعر انا راضي فية ويخلص قبلك
يعني مو مجرد انا قلت لك قبلت بسومتك تروح وتأخرني يومين ثلاثة
لاحد يسوم الا الصامول واللي فلوسة كاش وجاهزة كلمة انتظر قرض بابيع سيارتي انتظر بونص الراتب ما بعد نزل لا ماتمشي معاي
والسلام عيكم ورحمة الله وبركاتة
اخوكم احمد

•   إبلاغ

  كلمات دليليه : تايوتا , , كورولا , 2009 , وارد , امريكي , مواصفات ,